الغربة صعبه وعانينه يا بغداد

اليكم ياعز الاصدقاء من ارض الغربه وشجون الحرمان
والمئاسي اروي لكي يابغداد معاناتي

اخ يل الحزن
من دون الدول اختاريتني انته

من دون الاصدقاء خنجرك بيه طعنته

واشكد وفي ويايه والله سحرتنه

وجلبت ياحزن بيه وماترضه تفاركنه

من دون كل الناس العراقي حزن صار اسمه والفرح عاتبنه

تدري بل الفكر فوك البعير والجلب عضه

هذا حض العراقي والله خلص قلبه

شتسوه كل الكنوز واحنه نتمنه الموت بغربتنه

كل سمجه وريحته من تنور العراق

تساوي كل الدول وبعثرنه عمرنه

ياحيف العراقي يتنسم من غير عبير الفراة ودجله

وشكد ماشاف وسبح ببحور غير هل النهران مافرحتنه

الج وحشه يابغداد والعيونج ذبنه وتعذبنه

مقصوده انتي والحزن خاواج من يوم الهجرنه

ناجيت كل الدول ما الكيت مثل بغداد تحبنه

والزرع بغير بستانه ذبلان والله زرعنه

لو علت زرعاتك والمطر مو من بغداد واسعدنه

تضل الغربه بكلوب العراقين لجمه توجعنه

ولو نذكر اهلنه تهتز شراين القلب ويوكف نبضه

وجم نبضه بل القلب ويوميه مرتفع ضغطه

وال ينسه اهله وناسه

ويتكبر على الناس ويغالط احساسه

والي ترك اهله ويتكبر على بلدنه

مايتكبر بس على الصخر والصخر استحه ودنك راسه

من ارض كلدو واشور يضل العراقي رافع راسه

والاصل لو راد يتبره يتبره من المحبس و الماسه

والاصل ذهب كلدو اشور ماتبدله ناسه

مرفوع راسك يل الوطن بل الغربه اشتاكينه

نضل نذكر العراق وللموت راجعيله

وشما طال الزمن لازم نرجع المحبينه

شكرا

شكرااا

شكرا يا حلو